కైరో: ఆసుపత్రుల్లో పని చేసే సిబ్బంది వస్త్ర ధారణపై సౌదీ అరేబియా సరికొత్త ఆంక్షలు విధించింది. ఆంక్షల వివరాల్లోకి వెళితే, మేకప్‌ సహా, ఒంటికి అతుక్కుపోయే దుస్తులు, టోపీలకు సంబంధించి ఖచ్చితమైన నిబంధనల్ని ప్రకటించారు. ఒంటికి అతుక్కుపోయే దుస్తుల్ని ధరించకూడదు. ట్రాన్స్‌పరెంటెడ్‌ దుస్తులు ధరించకూడదు. టోపీలపై ఇస్లాంని కించపరిచేలా ఎలాంటి గుర్తులూ ఉండకూడదు. దీనికి సంబంధించి ప్రాధమిక వైద్య కేంద్రాల మేనేజర్లకు స్పష్టమైన ఆదేశాలు వెళ్లినట్లు తెలుస్తోంది. నిబంధనల్ని పాటిస్తామని సిబ్బంది సంబంధిత పత్రాలపై సంతకం చేయాల్సి ఉంటుంది.