యూఏఈ 49వ జాతీయ దినోత్సవానికి సిద్ధమవుతున్న వేళ షార్జా అధికార యంత్రాంగం వాహనదారులకు గుడ్ న్యూస్ అందించింది. ఇప్పటివరకు ఉన్న ట్రాఫిక్ చలాన్లపై 50 శాతం డిస్కౌంట్ ఇస్తున్నట్లు వెల్లడించింది. డిసెంబర్ 2 నుంచి డిస్కౌంట్ ఆఫర్ ప్రారంభమై..49 రోజుల పాటు కొనసాగనుందని షార్జా అధికారులు తెలిపారు. అయితే..సీరియస్ ఉల్లంఘనలకు సంబంధించి మాత్రం ఎలాంటి మినహాయింపులు ఉండవని కూడా స్పష్టం చేశారు. మిగిలిన అన్ని రకాల ట్రాఫిక్ వయోలేషన్స్ పై చలాన్లను సగం మాత్రం చెల్లిస్తే చాలని వివరించారు. అలాగే స్వాధీనం చేసుకున్న వాహనాలను విడిచిపెట్టడంతో పాటు బ్లాక్ పాయింట్స్ ను కూడా రద్దు చేయనున్నట్లు తెలిపారు. ఇప్పటివరకు ట్రాఫిక్ చలాన్లపై రస్ అల్ ఖైమా, అజ్మన్ ఎమిరాతిలు 50 శాతం డిస్కౌంట్ ప్రకటించగా..ఇప్పుడు తాజాగా షార్జా కూడా డిస్కౌంట్ జాబితాలో చేరింది.