దుబాయ్:దుబాయ్ లో విద్యుత్, నీటి సర్ ఛార్జీలు స్వల్పంగా తగ్గనున్నట్లు దుబాయ్ ఎలక్ట్రిసిటీ, వాటర్ అథారిటీ-దివా అధికారులు వెల్లడించారు. తగ్గింపు ఛార్జీలు నేటి నుంచే అమలులోకి రానున్నాయి. విద్యుత్ బిల్లులపై ఫ్యూయల్ సర్ ఛార్జీలను కిలోవాట్ పర్ అవర్ కు సంబంధించి 5 ఫిల్స్ మేర ఛార్జీ వేయనున్నారు. ఇప్పటివరకు ఇది 6.5 ఫిల్స్ గా ఉంది. అంటే 1.5 ఫిల్స్ మేర ఛార్జీ తగ్గనుంది. అలాగే నీటి ఛార్జీలపై ఫ్యూయల్ సర్ ఛార్జీని 0.4కి తగ్గనుంది. ఇప్పటివరకు ఇంపీరియల్ గలాన్ నీటికి 0.6 ఫిల్స్ మేర ఫ్యూయల్ సర్ ఛార్జీ విధించేవారు.