కువైట్ సిటీ:కువైట్లోని షువైఖ్ లో భారీ అగ్నిప్రమాదం చోటు చేసుకుంది. సానిటరీ వేర్ షాప్ లో పెద్ద ఎత్తున మంటలు చెలరేగాయి. అయితే...అగ్నిమాపక సిబ్బంది హుటాహుటిన చేరుకొని మంటలు ఆర్పివేయటంతో పెను ముప్పు తప్పింది. ఏడుగురు సభ్యులున్న ఫైర్ సేఫ్టీ టీం..తెగువ చూపించి మంటలను అదుపులోకి తీసుకరావటం విశేషం. దీంతో మంటలు చుట్టుపక్కలకు వ్యాపించకుండా నివారించగలిగారు. ఈ ప్రమాదంలో అదృష్టవశాత్తు ఎవరికి ఎలాంటి హాని జరగలేదని అధికారులు వివరించారు.