హైదరాబాద్:తెలంగాణలో కరోనా పాజిటివ్‌ కేసుల సంఖ్య మరోసారి పెరిగింది... తెలంగాణ రాష్ట్ర వైద్యారోగ్యశాఖ విడుదల చేసిన తాజా కరోనా బులెటిన్‌ ప్రకారం.. గత 24 గంటల్లో రాష్ట్రవ్యాప్తంగా 186 పాజిటివ్ కేసులు నమోదు అయ్యాయి. ఒక్కరు ప్రాణాలు కోల్పోయారు... ఇదే సమయంలో 306 మంది కరోనా బాధితులు పూర్తిస్థాయిలో కోలుకున్నారు.. దీంతో.. మొత్తం పాజిటివ్‌ కేసుల సంఖ్య 2,93,923 కు చేరుకోగా.. 2,89,631 మంది రికవరీ అయ్యారు.. ఇక, ఇప్పటి వరకు 1,594 మంది మృతిచెందారు. ప్రస్తుతం 2,698 యాక్టివ్‌ కేసులు ఉండగా.. అందులో 1,213 మంది హోం ఐసోలేషన్‌లో ఉన్నారని బులెటిన్‌లో పేర్కొంది సర్కార్. సోమవారం రోజు రాష్ట్రవ్యాప్తంగా 31,119 శాంపిల్స్ టెస్ట్‌ చేశామని బులెటిన్‌లో పేర్కొన్నారు అధికారులు.

--హరి(మాగల్ఫ్ ప్రతినిధి,తెలంగాణ)