అజ్మన్ పరిధిలోని హోటల్స్, కేఫ్స్ సమయాలను కుదిస్తూ ఆర్ధికాభివృద్ధి అధికార విభాగం ఉత్తర్వులు జారీ చేసింది. అర్ధరాత్రి 12 గంటల తర్వాత ఎట్టిపరిస్థితుల్లోని హోటల్స్, కేఫ్స్ మూసివేయాల్సిందేనని ఆదేశించింది. వినియోగదారులను అనుమతించొద్దని సూచించింది. అయితే..హోమ్ డెలివరీకి మాత్రం అవకాశం కల్పించింది. ఫిబ్రవరి 5 నుంచి ఎమిరాతి పరిధిలోని అన్ని హోటళ్లు, కేఫ్ లు ఈ నిబంధన పాటించాలని ఉత్తర్వుల్లో ఆదేశించింది. కోవిడ్ 19 వ్యాప్తి నియంత్రణకు యూఏఈ ఆరోగ్య శాఖ నిర్ణయం మేరకు పలు ఎమిరాతి పాలన యంత్రాంగాలు పలు రంగాలపై ఆంక్షలు విధిస్తున్న విషయం తెలిసిందే. ఇటీవలె దుబాయ్ కూడా హోటల్స్, రెస్టారెంట్లను అర్ధరాత్రి ఒంటి గంట తర్వాత మూసివేయాలని ఆదేశించిన విషయం తెలిసిందే. ఇక ఇప్పుడు అదే బాటలో అజ్మన్ పాలన యంత్రాంగం కూడా హోటల్స్, కేఫ్స్ పై ఆంక్షలను అమలులోకి తీసుకొచ్చింది.