కువైట్ సిటీ:ప్రజా ఆరోగ్య భద్రత కోసం సుప్రీం కమిటీ సూచించిన మార్గనిర్దేశకాలు పాటించని ఉద్యోగులపై కఠిన చర్యలు తీసుకుంటామని సివిల్ సర్వీస్ కమిషన్ హెచ్చరించింది. సివిల్ సర్వీస్ డిక్రిలోని ఆర్టికల్ 60 మేరకు ప్రజా ఆరోగ్య భద్రతను దృష్టిలో ఉంచుకొని ఈ మేరకు అన్ని ప్రభుత్వ శాఖలకు ఉత్తర్వులు జారీ చేసింది. కమిటీ సూచించినట్లు ప్రతి ఉద్యోగి ముందస్తు జాగ్రత్తలు పాటించాల్సిందేనని ఒకవేళ ఎవరైనా నిబంధనలను ఉల్లంఘిస్తే చర్యలు తప్పవని హెచ్చరించింది. తొలిసారి ఉల్లంఘనకు పాల్పడితే వార్నింగ్ నోటీస్ ఇస్తామని, మళ్లీ అదే తప్పును కొనసాగిస్తే ఒక రోజు వేతనం కట్ చేస్తామని వివరించింది. మళ్లీ మళ్లీ నిబంధనలను ఉల్లంఘిస్తే జీతంలో కోతలు విధిస్తూనే ఉంటామని, గరిష్టంగా 15 రోజుల జీతాన్ని కట్ చేస్తామని వెల్లడించింది.