న్యూ ఢిల్లీ: భారత్ లో కరోనా కేసుల ఉదృతి క్రమంగా తగ్గుముఖం పడుతున్నది.కరోనా వ్యాక్సిన్ అందుబాటులోకి వచ్చిన తరువాత కొంతమేర పాజిటివ్ కేసులు తగ్గుముఖం పడుతున్నాయి.తాజాగా కేంద్ర ప్రభుత్వం కరోనా బులెటిన్ ను రిలీజ్ చేసింది.ఈ బులెటిన్ ప్రకారం దేశంలో కొత్తగా 11,713 కరోనా కేసులు నమోదయ్యాయి.దీంతో భారత్ లో ఇప్పటి వరకు నమోదైన మొత్తం కరోనా కేసుల సంఖ్య 1,08,14,304కి చేరింది.ఇందులో 1,05,10,796 మంది కోలుకొని డిశ్చార్జ్ కాగా, 1,48,590 కేసులు యాక్టివ్ గా ఉన్నాయి.ఇక గడిచిన 24 గంటల్లో భారత్ లో 95 కరోనా మరణాలు సంభవించాయి.దీంతో భారత్ లో ఇప్పటి వరకు నమోదైన మొత్తం కరోనా మరణాల సంఖ్య 1,54,918కి చేరింది.