కువైట్: 2020 డిసెంబర్ 31 నాటికి వలసదారులు మొత్తంగా 207 మిలియన్ కువైటీ దినార్ల కన్స్యూమర్ లోన్లను తీసుకున్నట్లు గణాంకాలు చెబుతున్నాయి. కువైట్ పౌరులతో పోల్చితే, వలసదారులు ఏడు రెట్లు అధిక మొత్తం లోన్లు తీసుకున్నట్లు తెలుస్తోంది. సెంట్రల్ బ్యాంక్ ఆఫ్ కువైట్ ఈ విషయాన్ని వెల్లడించింది. కన్స్యూమర్ లోన్లు అనేవి మీడియం టెర్మ్ పర్సనల్ లోన్లు. వీటిని పౌరులు లేదా రెసిడెంట్లకు లభిస్తాయి. వ్యక్తిగత అవసరాల కోసం.. అనగా కన్స్యూమర్ మరియు డ్యూరబుల్ గూడ్స్ కొనుగోలు చేసేందుకు ఎడ్యుకేషనల్ లేదా మెడికల్ ఖర్చుల కోసం వీటిని వినియోగిస్తారు. 5 ఏళ్ళు మించకుండా ఈ లోన్లను తీసుకున్నవారు వాయిదాల పద్ధతిలో చెల్లించవచ్చు.