యూఏఈ రెసిడెంట్స్‌, టిబి వ్యాధితో ఒకప్పుడు బాధపడి కోలుకుంటున్నవారికి స్పాన్సర్‌ చేసే అవకాశాన్ని పొందుతున్నారు. సంబంధిత వర్గాల నుంచి అనుమతి తీసుకుని, వారికి రెసిడెంట్స్‌ స్పాన్సర్‌ చేయవచ్చు. కొత్త రెసిడెంట్స్‌కి టిబి చెకప్‌ జరుగుతుంది. అయితే టిబితో బాధపడుతున్నవారికి మాత్రం ప్రవేశంపై యధాతథంగా నిషేధం వర్తిస్తుంది. జనవరి 27 నుంచి ఈ కొత్త విధానం అమల్లోకి వస్తుంది. తొలిసారి వీసా కోసం దరఖాస్తు చేసుకున్నవారి విషయంలో నిబంధనల మార్పు ఏమీ లేదు. హెచ్‌ఐవి, టిబి, సిఫిలిస్‌, హెపటైటిస్‌ బి మరియు సి, ప్రెగ్నెన్సీ పరీక్షలు మెయిడ్స్‌, సెలూన్‌ వర్కర్స్‌, ఫుడ్‌ హ్యాండిలర్స్‌ వంటివారికి తప్పనిసరిగా కొనసాగుతాయి. పైన చెప్పబడిన ఏ వ్యాధి కలిగి ఉన్నా యూఏఈలోకి ప్రవేశం నిషిద్ధం. యూఏఈ రెసిడెంట్స్‌ టిబితో బాధపడుతుంటే, వారిని మెడికల్‌గా అన్‌ఫిట్‌ కింద పరిగణిస్తారు. వారి వీసా రెన్యువల్‌ని తిరస్కరిస్తారు. అయితే వారికి ఏడాదిపాటు వీసా, మెడికల్‌ సర్టిఫికెట్‌తోపాటు ఇస్తారు. ట్రీట్‌మెంట్‌కి లోబడి అనే ప్రస్తావన వీసాలో ఉంటుంది. అనారోగ్యం నుంచి కోలుకునేందుకు హెల్త్‌కేర్‌ సెంటర్స్‌లో మూడు పర్యాయాలు చికిత్స పొందవలసి ఉంటుంది. ట్రీట్‌మెంట్‌ షెడ్యూల్‌ని పాటించని పక్షంలో దేశం నుంచి వారిని బయటకు పంపేయడం జరుగుతుంది. v