సౌదీ: రన్అవే (హురూబ్) వర్కర్స్, తవకల్నా అప్లికేషన్ ద్వారా రిజిస్టర్ చేసుకోవచ్చు. ఈ మేరకు యాప్ మేనేజ్‌మెంట్ టీమ్ ఓ ప్రకటన విడుదల చేసింది. తన ఎంప్లాయర్ నుంచి పారిపోయి, మరో ఎంప్లాయర్ వద్ద వర్కర్ ఎవరైనా ఉద్యోగం పొందితే, అలాంటి సందర్భాల్లో హురూబ్ జోక్యం చేసుకుంటుంది. ఈ క్రమంలో ఎంప్లాయర్, మినిస్ట్రీ ఆఫ్ ఇంటీరియర్‌కి ఫిర్యాదు చేయాల్సి వుంటుంది. సౌదీ అరేబియాకి వచ్చే వర్కర్లలో కొంతమంది తమ స్పాన్సర్ నుంచి దూరంగా పారిపోయి, వేరొకరి వద్ద ఉద్యోగాలు చేస్తుంటారు. కాగా, రెసిడెన్సీ పర్మిట్స్ (ఇకామాస్) గడువు తీరినప్పటికీ, తవకల్నాలో రిజిస్టర్ చేసుకోవచ్చని ఇటీవలే ప్రకటించిన విషయం విదితమే.