కువైట్ సిటీ:దేశంలోకి విదేశీ ప్రయాణికులపై అనుమతిపై కొత్త మార్గనిర్దేశకాలను జారీ చేసింది కువైట్ డీజీసీఏ. నాన్-కువైట్ ప్రయాణికులు ఎవరికీ దేశంలోని విమానాశ్రయాల్లోకి అనుమతి ఉండబోదని స్పష్టం చేసింది. గల్ఫ్ దేశాల్లో క్వారంటైన్ లో ఉండి..ఆయా దేశాల మీదుగా ప్రయాణం చేసినా కువైట్లోకి అనుమతి ఉండదని వెల్లడించింది. దీనికి సంబంధించి కువైట్ ఆరోగ్య మంత్రిత్వ శాఖ తమకు లిఖిత పూర్వక ఆదేశాలు జారీ చేసినట్లు డీజీసీఏ వెల్లడించింది. ట్రాన్సిట్ ప్యాసింజర్లను కువైట్ ఎయిర్ పోర్టులో విమానం దిగేందుకు కూడా అనుమతి ఉండదని స్పష్టం చేశారు. కోవిడ్ వ్యాప్తి నియంత్రణ చర్యల్లో భాగంగా ఈ నిర్ణయం తీసుకున్నట్లు అధికారులు స్పష్టం చేశారు.