కువైట్ సిటీ:నిర్లక్ష్యపూరిత డ్రైవింగ్ అలాగే వాహనం నడుపుతూ మొబైల్ ఫోన్ వినియోగం వంటి వాటి పట్ల కఠినంగా వ్యవహరిస్తున్నట్లు ట్రాఫిక్ అథారిటీస్ చెబుతున్నాయి. 20,880 ఉల్లంఘనలు నిర్లక్ష్య పూరిత డ్రైవింగ్‌కి సంబంధించి నమోదయ్యాయి. 29,062 ఉల్లంఘనలు మొబైల్ ఫోన్ వినియోగానికి సంబంధించి నమోదయ్యాయి. ఇవన్నీ గత ఏడాది గణాంకాలు. మినిస్ట్రీ ఆఫ్ ఇంటీరియర్ అసిస్టెంట్ అండర్ సెక్రెటరీ (ట్రాఫిక్ మరియు ఆపరేషన్స్ సెక్టార్) మేజర్ జనరల్ జమాల్ అల్ సయెఘ్ మాట్లాడుతూ, అథారిటీస్ ఎప్పటికప్పుడు ఈ ఉల్లంఘనల్ని తగ్గించేందుకోసం చర్యలు చేపడుతున్నారనీ, తనిఖీల ద్వారా ఉల్లంఘనులపై చర్యలు తీసుకుంటామని చెప్పారు. కెమెరాల ద్వారా పరిస్థితుల్ని మానిటరింగ్ చేస్తున్నామని వివరించారు. ఎవరైనా ఉల్లంఘనలు గుర్తిస్తే, తమ వాట్సాప్ ద్వారా అథారిటీస్‌కి ఆ ఉల్లంఘనలపై ఫిర్యాదు చేయవచ్చని తెలిపారు.