'  పిల్లి శాపాలకు ఉట్టి...తెగుతుందా ?  ' అని అనుకొంటాం గాని...కొన్నిసార్లు అవీ జరుగుతూనే ఉంటాయి. బహుశా జరిమానాలు పోలీసులకు  కట్టి కట్టి  విసిగిపోయిన ఎవరో ఒక  ఆకతాయి సోషల్ మీడియాలో ఒక పుకారుకు ఎక్కడో పునాది వేశాడు. ఈ పోస్ట్ పుకారు...కారు కన్నా వేగంగా దేశమంతా వ్యాపించడంతో తుదకు రాయల్ ఒమన్ పోలీసులే తలలు పట్టుకొని  రంగంలోనికి దిగక తప్పలేదు. తమకు సోషల్ మీడియాలో చక్కర్లు కొడుతున్న పుకార్లకు సంబంధం లేదని తోసిపుచ్చారు. " అత్యధక సంఖ్యలో వివిధ వాహనదారుల నుంచి భారీ జరిమానాలు విధించిన ఓ  నిఖార్సైన వీర రాయల్ ఒమన్ పోలీస్ అధికారికి ప్రభుత్వం విజయ సత్కారం చేసినట్లు " ఆ కధనంలో ఉంది.