కువైట్ సిటీ:కదల్లేని స్థితిలో మంచానికే పరిమితమైన వారి కోసం ప్రత్యేకంగా చేపట్టిన వ్యాక్సినేషన్ పూర్తి అయిందని కువైట్ ప్రకటించింది. దేశంలోని ప్రజలు అందరికీ వ్యాక్సిన్ అందించటమే లక్ష్యంగా నిర్దేశించుకున్న కువైట్ ప్రధాన్య క్రమంలో వ్యాక్సిన్ అందిస్తూ వస్తోంది. అయితే..వ్యాక్సిన్ తీసుకునేందుకు ముందస్తుగా రిజిస్ట్రేషన్ చేసుకున్న వారికి మాత్రమే వ్యాక్సిన్ అందిస్తున్న విషయం తెలిసిందే. అయితే..పలు ఆరోగ్య కారణాలతో మంచానికే పరిమితమై కదల్లేని స్థితిలో ఉన్న వారి కోసం ప్రత్యేకంగా మొబైల్ వ్యాక్సిన్ యూనిట్లను ప్రారంభించింది ప్రభుత్వం. కదల్లేని స్థితిలో ఉండి వ్యాక్సిన్ కోసం రిజిస్ట్రేషన్ చేసుకున్న వారికి వ్యాక్సిన్ అందిస్తూ వచ్చింది. ఎట్టకేలకు రిజిస్ట్రేషన్ చేసుకున్న వాళ్లందరికీ వ్యాక్సిన్ అందించామని ప్రభుత్వం వెల్లడించింది. 

--దివాకర్(మాగల్ఫ్ ప్రతినిధి,కువైట్)