సౌదీ:రమదాన్ కి ముందు వచ్చే షాబాన్ మాసం సోమవారం నుంచే ప్రారంభం అవుతుందని సౌదీ అరేబియా ప్రభుత్వం స్పష్టత ఇచ్చింది. నిజానికి నెలవంక కనిపించిన తర్వాత షాబాన్ మాసపు తొలి ఉపవాస దీక్షలు ప్రారంభం అవుతాయి. అయితే..దేశవ్యాప్తంగా పలు ప్రాంతాల్లో దుమ్ముతో కూడిన వాతావరణం, ఇసుక తుఫాన్ కారణంగా నెలవంక కనిపించలేదని వెల్లడించింది. సౌదీ రాజధాని రియాద్ తో పాటు ఖాసిమ్, అల్ జల్ఫ్ దుమ్ము వాతావరణం నెలకొన్న విషయం తెలిసిందే. అలాగే..మక్కా, మదీనా తూర్పు భాగాలతో సహా దేశంలోని ఉత్తర ప్రాంతంలోనూ దుమ్ము తుఫాను చెలరేగింది. అయితే..ఒమన్, మలేషియా దేశాలు ఆదివారమే హిజ్రి నెల రజబ్ చివరి రోజుగా ప్రకటించాయి. సోమవారం నుంచి షాబాన్ మాసపు తొలిరోజు ప్రారంభం అవుతుందని వెల్లడించాయి. దీంతో కింగ్డమ్ లోనూ సోమవారం నుంచే షాబాన్ ప్రారంభం అవుతుందని సౌదీ అరేబియా ప్రకటించింది.