కువైట్: వలస కార్మికులకు నివాస సదుపాయం కల్పించేందుకు కువైట్ ప్రభుత్వం మరో కీలక నిర్ణయం తీసుకుంది. వలస కార్మికుల గృహ సముదాయాలను నిర్మించేందుకు అహ్మదీ, అల్-జహ్రా గవర్నరేట్లలో 8 సైట్లను కేటాయిస్తూ కువైట్ మున్సిపాలిటీ డిప్యూటీ డైరెక్టర్ జనరల్ ఆమోదం తెలిపింది. అయితే..గృహ సముదాయాల నిర్మాణానికి అవసరమైన తుది అనుమతుల కోసం త్వరలోనే మున్సిపల్ పాలక మండలికి సిఫార్సు చేయనున్నట్లు మున్సిపాలిటీ అధికారులు వెల్లడించారు. మొత్తం నాలుగు అంతస్తులు వలస కార్మికులకు కేటాయిస్తామని, మిగిలిన రెండు ఫోర్లతో పాటు బేస్మెంట్ ను మౌళిక సదుపాయాలు, ఇతర సేవల కోసం వినియోగించనున్నట్లు అధికారులు వెల్లడించారు. గృహ సముదాయాల్లో 5 శాతం ప్రాంతాన్ని వాణిజ్య అవసరాలకు వినియోగించనున్నట్లు తెలిపారు.