కేంద్ర ప్రభుత్వం పార్లమెంటులో ప్రవేశపెట్టనున్న సాధారణ బడ్జెట్‌పై ఆంధ్రప్రదేశ్‌ ఆశలు పెట్టుకుంది. విభజనతో నష్టపోయిన రాష్ట్రాన్ని బడ్జెట్‌ ద్వారా ఆదుకోవాలంటూ రాష్ట్ర ప్రభుత్వం పలు ప్రతిపాదనలు పంపింది. ఆంధ్రప్రదేశ్‌ను అన్నిరకాలుగా ఆదుకుంటామని చెబుతున్న కేంద్రం... బడ్జెట్‌లో ఏ మేరకు నిధులు, రాయితీలు ఇస్తుందోనని ప్రభుత్వం ఆసక్తిగా ఎదురుచూస్తోంది. * రెవెన్యూ లోటు భర్తీ చేయాలి. * వెనకబడిన ఏడు జిల్లాలకు ప్రత్యేక నిధులు * అమరావతి నిర్మాణానికి రూ.4వేల కోట్లు * విజయవాడ, విశాఖ మెట్రో ప్రాజెక్టులకు నిధులు * అమరావతిలో మౌలిక వసతుల కల్పనకు పెట్టుబడి రాయితీ * పరిశ్రమలకు అన్నిరకాల మిహాయింపులు * రాష్ట్రానికి ప్రత్యేక హోదా కల్పన * పోలవరం ప్రాజెక్టుకు 2016-17లో రూ.4వేల కోట్లు * ఓడరేవుల అభివృద్ధికి నిధులు * జాతీయ విద్యాసంస్థల అభివృద్ధికి రూ.3,500 కోట్లు