మస్కట్: ఒమన్ ఛాంబర్ ఆఫ్ కామర్స్ అండ్ ఇండస్ట్రీ (ఓసీసీఐ), ట్యాక్సేషన్ అథారిటీ సహకారంతో సెమినార్ నిర్వహించింది. ‘ది వాల్యూ యాడెడ్ ట్యాక్స్ - మెకానిజం ఆఫ్ ఇంప్లిమెంటేషన్’ పేరుతో దీన్ని నిర్వహించారు. ఒమన్ ఛాంబర్ ఆఫ్ కామర్స్ అండ్ ఇండస్ట్రీ సోషల్ మీడియా వేదికల ద్వారా నిర్వహించిన ఈ సెమినార్, ఏప్రిల్ నుంచి అమల్లోకి రానున్న వ్యాట్ విషయమై జరిగింది. సుల్తానేట్‌లో ట్యాక్స్ పట్ల అవగాహన కల్పించేలా దీన్ని నిర్వహించారు. ట్యాక్సేషన్ సామర్థ్యాన్ని పెంచేలా పలు కీలక అంశాలపై చర్చించారు. చట్టపరమైన అంశాల గురించి అవగాహన కల్పించారు. ప్లానింగ్ పాలసీస్ అండ్ ట్యాక్స్ కాంప్లియన్స్ యాక్టింగ్ డైరెక్టర్ కరిమా బింట్ ముబారక్ అల్ సాది ఈ సెమినార్‌ని ప్రారంభించారు.