మన స్టార్ హీరోలలో ఎక్కువ పాటలు పాడిన స్టార్ ఎవరంటే టక్కున పవర్ స్టార్ పవన్ కళ్యాణే గుర్తుకు వస్తారు. ఇప్పటి వకూ ఆయన 'తమ్ముడు, ఖుషి, జానీ, గుడుంబా శంకర్, అత్తారింటికి దారేది, అజ్ఞాతవాసి' చిత్రాల్లో పాటలు పాడారు. ఆ పాటల వల్ల ఆ యా సినిమాకు ఎంతో క్రేజ్ కూడా వచ్చింది. 

ఇక ఇప్పుడు మరోసారి పవన్ గొంతు సవరించుకోబోతున్నారు. రాబోయే 'అయ్యప్పనుమ్ కోషియుమ్' రీమేక్ లో పవన్ మరోసారి పాట పాడబోతున్నారు. ఈ విషయాన్ని సంగీత దర్శకుడు థమన్ నిర్ధారించారు కూడా. షూటింగ్ జరుపుకుంటున్న ఈ సినిమా టైటిల్ ని ప్రకటించాల్సి ఉంది. ఇప్పటికే ఈ సినిమాకు సంబంధించి రెండు పాటల ట్యూన్స్ కంపోజింగ్ కూడా పూర్తయిందట. ప్రస్తుతం పవన్ 'వకీల్ సాబ్' సినిమా డబ్బింగ్ లో బిజీగా ఉన్నాడు.