2016-17 ఆర్థిక సంవత్సరానికి గాను పార్లమెంటులో ఈరోజు ప్రవేశపెట్టిన సాధారణ బడ్జెట్‌లో ఎయిర్‌ ఇండియాకు రూ.1,713 కోట్లు కేటాయించారు. కేంద్ర ఆర్థిక మంత్రి అరుణ్‌జైట్లీ బడ్జెట్‌ను ప్రవేశపెట్టిన సంగతి తెలిసిందే. ఎయిర్‌ఇండియాకు ఉద్దీపన ప్యాకేజీలో భాగంగా రూ.1,713 కోట్లు కేటాయించారు. పౌర విమానయానానికి రూ.4,417కోట్లు కేటాయించారు. ఎయిర్‌పోర్ట్స్‌ అథారిటీ ఆఫ్‌ ఇండియా, డైరెక్టరేట్‌ జనరల్‌ ఆఫ్‌ సివిల్‌ ఏవియేషన్‌, పవన్‌ హాన్స్‌ లిమిటెడ్‌, బ్యూరో ఆఫ్‌ సివిల్‌ ఏవియేషన్‌ తదితర సంస్థలు పౌరవిమానయానం కిందకు వస్తాయి.