కువైట్:కోవిడ్ వ్యాప్తి నియంత్రణకు పాక్షిక కర్ఫ్యూను అమలులోకి తీసుకొచ్చిన కువైట్ ప్రభుత్వం..కర్ఫ్యూ సమయంలో సడలింపులు, పాటించాల్సిన నిబంధనలపై ప్రజల్లో అవగాహన పెంచేందుకు ప్రచారాన్ని చేపట్టింది. ఇందుకోసం డ్రోన్లను వినియోగిస్తోంది. కర్ఫ్యూ సమయం ప్రారంభమైన తొలి రెండు గంటలు ప్రజలు తమ నివాస ప్రాంగణాల్లో వాకింగ్ చేసుకోవచ్చని, అలాగే వ్యాయమం చేసుకునేందుకు కూడా అనుమతించిన విషయం తెలిసిందే. అయితే..ఈ వెసులుబాటు కేవలం వాకింగ్ కోసం మాత్రమేనని...వాహనాల్లో తిరిగేందుకు పర్మిషన్ లేదని కువైట్ స్పష్టం చేసింది. ఇదే విషయాన్ని డ్రోన్ల సాయంతో ప్రచారం నిర్వహించనుంది. తొలుత సాయంత్రం 5 గంటల నుంచి ఉదయం 5 గంటల పాటు కర్ఫ్యూ విధించినా..ఆ తర్వాత కర్ఫ్యూ సమయాన్ని 11 గంటలకు కుదించిన విషయం తెలిసిందే. ప్రస్తుతం సాయంత్రం 6 గంటల నుంచి ఉదయం 5 గంటల వరకు కర్ఫ్యూ అమలులో ఉంటుంది. 6 గంటల నుంచి రాత్రి 8 గంటల వరకు వాకింగ్ చేసుకోవచ్చు. ఇక రెస్టారెంట్ల డెలివరీ సర్వీస్ ను రాత్రి 10 గంటల వరకు కొనసాగించవచ్చు.