ఒమాన్ లో ఒక ప్రయాణికుల బస్సు , ట్రక్కు , కారులు ఒక దానితో ఒకటి ' ఢి  ' కొనిన సంఘటనలో 18 మంది మృతి చెందగా మరో 14 మందికి తీవ్ర గాయాలయ్యాయి. మంగళవారం ఉదయం  ఒక సలాలహ్ - దుబాయ్ ప్రయాణీకుల బస్సు ఫాహుద్  మరియు ఇబ్రి లను కలిపే రహదారి  మీద ప్రయాణిస్తుండగా  ఒక ట్రక్ మరియు కారు డీకొట్టడంతో పద్దెనిమిది మంది మరణించారు. మరో 14 మంది గాయపడ్డారు. రాయల్ ఒమన్ పోలీసులు  ఈ  ప్రమాదం జరిగినట్లు  ధ్రువీకరించారు. గాయపడిన క్షతగాత్రులను ఆసుపత్రుల్లో చేర్పించారు. రాయల్ ఒమన్ పోలీసులు  తెలిపిన వివరాల ప్రకారం ఈ ప్రమాదంలో చనిపోయినవారిలో  ఆరు ఓమనియులు , నలుగురు సౌదీ జాతీయులు , ఇద్దరు పాకిస్థానీయులు కాగా  మరొకరు ఒకటి యెమెన్ దేశానికి చెందిన వారుగా పేర్కొంటున్నారు.  చనిపోయిన  మిగిలిన ఐదుగురు ఏ ప్రాంతానికి  చెందినవారో గుర్తించాల్సి ఉంది.