యునైటెడ్‌ అరబ్‌ ఎమిరేట్స్‌ (యూఏఈ) తొలిసారిగా ఓ మహిళను అంతరిక్షంలోకి పంపనుంది. తన అంతరిక్ష కార్యక్రమం కోసం నౌరా-అల్‌-మాత్రౌషి, మొహమ్మద్‌ అల్‌-ముల్లా  పేర్లను దుబాయ్‌ రాజు షేక్‌ మొహమ్మద్‌ బిన్‌ రషీద్‌ అల్‌ మక్తూం  ట్విటర్‌ ద్వారా ప్రకటించారు. మాత్రౌషి యూఏఈ నుంచి తొలి మహిళా వ్యోమగామి. మొత్తం నాలుగు వేల దరఖాస్తులను పరిశీలించి వీరిద్దరిని ఎంపిక చేశారు. టెక్సాస్ లో హ్యూస్టన్‌లోని అమెరికా అంతరిక్ష పరిశోధన సంస్థ(నాసా) లో ఆ ఇద్దరు శిక్షణ పొందుతారు.