కువైట్ సిటీ: మినిస్ట్రీ ఆఫ్ హెల్త్, పౌరులు అలాగే నివాసితులందరూ కరోనా వ్యాక్సిన్ కోసం రిజిస్ట్రేషన్ చేసుకోవాలని కోరినప్పటికీ, 190,000 మంది వలసదారులు రిజిస్ట్రేషన్ చేసుకోలేకపోతున్నారు. అందుక్కారణం, వారంతా రెసిడెన్సీ ఉల్లంఘనులుగా మారడమే. కాగా, కొత్త ఇంటీరియర్ మినిస్టర్ షేక్ తామెర్ అల్ అలి, రెసిడెన్సీ ఉల్లంఘనులకు రెన్యువల్ కోసం అదనంగా మరో నెల రోజులపాటు వెసులుబాటు కల్పించనున్నారు. మే 15వ తేదీతో ఈ గడువు ముగుస్తుంది. మీనవీయ కోణంలో ఈ నిర్ణయం తీసుకున్నారు. ప్రస్తుతం నెలకొన్న కరోనా సంక్షోభం, అధిక టిక్కెట్ ధరలతో దేశం విడిచి వెళ్లడానికి పైన పేర్కొన్న వలసదారులు సతమతమవుతున్నారు.