సౌదీ అరేబియా: పని ప్రాంతాల్లోకి కేవలం వ్యాక్సినేషన్ పొందిన ఉద్యోగులకే అనుమతించనున్నట్లు సౌదీ అరేబియా వెల్లడించింది. సౌదీ మినిస్ట్రీ ఆఫ్ హ్యూమన్ రిసోర్సెస్ అండ్ డెవలప్మెంట్ వెల్లడించిన వివరాల ప్రకారం, కోవిడ్ నేపథ్యంలో వ్యాక్సినేషన్ పొందిన ఉద్యోగులనే కార్యాలయాల్లోకి అనుమతించనున్నట్లు పేర్కొంది. అన్ని సెక్టార్లకూ ఈ విషయమై స్పష్టమైన ఆదేశాలు జారీ చేయడం జరిగింది. తమ ఉద్యోగులందరికీ ఆయా శాఖలు వ్యాక్సినేషన్ చేయించాలని సూచించింది మినిస్ట్రీ. ఈ పాలసీ ఎప్పటినుంచి అమల్లోకి వస్తుందనేదానిపై త్వరలో ప్రకటన విడుదల చేయనున్నారు.