యూఏఈ: కోవిడ్ వ్యాక్సిన్ నుంచి 7 వర్గాలకు మినహాయింపు ఇచ్చింది యూఏఈ. ఈ మేరకు అబుధాబి అత్యవసర, విపత్తు నిర్వహణ కమిటీ సహకారంతో ఆరోగ్య మంత్రిత్వ శాఖ ఆ ఏడు వర్గాలకు మినహాయింపు వర్తింప చేస్తూ ఆదేశాలు జారీ చేసింది. గర్భిణిలు, ఇతర దేశాల్లో ఇప్పటికే వ్యాక్సిన్ తీసుకున్నవారు, కోవిడ్ పేషెంట్లు, క్లినికల్ ట్రయల్స్ లో పాల్గొన్నవారు, కోవిడ్ నుంచి కోలుకొని మెడికేషన్ లో ఉన్నవారు, తొలి డోసు వ్యాక్సిన్ సమయంలో అలర్జీలు వచ్చిన వారు, దీర్ఘ కాలిక వ్యాధులతో బాధపడుతూ వ్యాక్సిన్ తో సమస్యలు ఎదుర్కొనే అవకాశాలు ఉన్న వారికి కోవిడ్ వ్యాక్సిన్ నుంచి మినహాయింపు ఇచ్చారు. మినహాయింపు పత్రాలను పొందాలనుకునే వారు అబుధాబి ఆరోగ్య కేంద్రాలకు వెళ్లి డాక్టర్లను సంప్రదించి మినహాయింపు పత్రం తీసుకోవాలి. మెడికల్ సెంటర్ ద్వారా అల్ హోస్న్ యాప్ లో మినహయింపు పత్రాన్ని అప్ డేట్ అవుతుందని అదికారులు వెల్లడించారు.