ఒమన్: ఇతర దేశాల నుంచి ఒమన్ కు చేరుకునే వారి కదలికలపై నిఘా వేసేందుకు ఒమన్ ప్రభుత్వం కోవిడ్ 19 ఎలక్ట్రానిక్ బ్రాస్లెట్ విధానాన్ని అమలులోకి తీసుకొచ్చిన విషయం తెలిసిందే. అయితే...ఎలక్ట్రానిక్ బ్రాస్లెట్ల కోసం 6 OMRలను వసూలు చేస్తోంది. ఈ ఛార్జీల విషయంలో కొన్ని మార్పులు చేస్తూ ఒమన్ ఆరోగ్య మంత్రిత్వ శాఖ నిర్ణయం తీసుకుంది.  ఇక నుంచి ఒమన్ ఇరుగు పొరుగు దేశాల్లో విధులు నిర్వహించుకొని తిరిగి స్వదేశానికి చేరుకునే వారికి ఎలక్ట్రానిక్ బ్రాస్లెట్ల ఛార్జీ ఉండదని స్పష్టం చేసింది. ల్యాండ్ బోర్డర్ ద్వారా పక్క దేశాల్లో పనులు చేసుకొని వచ్చే వారికి మాత్రమే ఈ మినహాయింపు వర్తించనుంది.