అబుదాబీ: టూరిజం రంగానికి ఊతమిచ్చే దిశగా కీలక నిర్ణయాలు తీసుకోనుంది అబుదాబీ. విదేశాల నుంచి వచ్చే ప్రయాణీకులకు జులై 1 నుంచి క్వారంటైన్ నిబంధనల్లేకుండా చేయనున్నారు. ప్రస్తుతం విదేశాల నుంచి వచ్చే ప్రయాణీకులకు పది రోజుల క్వారంటైన్ విధిస్తున్నారు. గ్రీన్ లిస్టు దేశాల నుంచి కాకుండా ఇతర దేశాల నుంచి వచ్చేవారికి ఇది వర్తింపజేస్తున్నారు. పాండమిక్ నేపథ్యంలో ఈ క్వారంటైన్ హోటళ్ళ రంగానికి కొంత ఊతమిస్తోంది. ఎక్కువగా డొమెస్టిక్ టూరిజంపై ఫోకస్ వున్నా, దాన్ని మరింత ఎక్కువగా పెంచేందుకోసం ట్రావెల్ నిబంధనల్లో మార్పులు తీసుకురానున్నారు. ఈ నిర్ణయాలు ఎయిర్ లైన్స్ సంస్థలకు కొత్త ఉత్సాహాన్నివ్వనున్నాయి. విమాన సర్వీసుల పెంపుతో పర్యాటకులు పెద్ద సంఖ్యలో వచ్చే అవకాశం వుంటుందని అంచనా వేస్తున్నారు.