కువైట్: ప్రభుత్వ ఉద్యోగాల్లో నాన్ కువైటీలకు ఇకపై అస్సలేమాత్రం అవకాశం లేకుండా కువైట్ నిబంధనల్ని మరింత కఠినం చేసింది. కేవలం ఆ ఉద్యోగాల్ని కువైట్ పౌరులకు మాత్రమే దక్కేలా నిబంధనల్ని మార్చారు. కొన్ని ప్రభుత్వ ఏజెన్సీలు, వలసదారుల నియామకం కోసం పెట్టుకున్న దరఖాస్తుల్ని కువైట్ సివిల్ సర్వీస్ కమిషన్ తిప్పి పంపింది. ఆ ఉద్యోగాలకు కువైటీ పౌరుల్ని ఎంపిక చేయాలని కువైట్ సివిల్ సర్వీస్ కమిషన్ స్పష్టం చేసింది. నాన్ కువైటీ ఉద్యోగాలు కేవలం మెడికల్ వర్కర్లకు, టీచర్లకు (స్పెషాలిటీ) మాత్రమే పరిమితం చేస్తున్నారు.. అక్కడ పౌరులతో ఆ ఉద్యోగాల్ని భర్తీ చేయడానికి వీల్లేనప్పుడు మాత్రమే నాన్ కువైటీలకు అవకాశం దొరుకుతుంది.