సౌదీ: హజ్ యాత్రకు భారీగా రిజిస్ట్రేషన్లు నమోదవుతున్నాయి. రిజిస్ట్రేషన్ ప్రక్రియ ప్రారంభమైన తొలి 24 గంటల్లోనే 4,50,000 మంది హజ్ యాత్ర కోసం తమ పేర్లను నమోదు చేసుకున్నట్లు హజ్, ఉమ్రా మంత్రిత్వ శాఖ వెల్లడించింది. రిజిస్టర్ చేసుకున్నవారిలో 60 శాతం మంది పురుషులు ఉండగా, 40 శాతం మంది స్త్రీలు ఉన్నట్లు వెల్లడించింది. ఇదిలాఉంటే..హజ్ యాత్రకు వచ్చే భక్తుల కోసం తొలి దశ ఏర్పాట్లు పూర్తయ్యాయి.కోవిడ్ నేపథ్యంలో భక్తుల ఆరోగ్య భద్రతను దృష్టిలో ఉంచుకొని తగిన ఏర్పాట్లు చేస్తున్నారు.రిజిస్టర్ చేసుకున్నవారిలో హజ్ యాత్రకు ఎంపిక చేసే ప్రక్రియలో ఎలాంటి వివక్షకు తావు ఉండదని మంత్రిత్వ శాఖ స్పష్టం చేసింది.కింగ్డమ్ జాతీయులు అందరికీ సమాన అవకాశాలు ఉంటాయని వెల్లడించింది. అయితే..గత ఐదేళ్లలో ఒక్కసారి కూడా హజ్ యాత్రకు నోచుకోని వారికి తొలి ప్రాధాన్యత ఉంటుందని తెలిపింది.