హైదరాబాద్: తెలంగాణలో లాక్‌డౌన్ పూర్తిగా ఎత్తివేయాలని కేబినెట్ నిర్ణయించింది.
రాష్ట్రంలో కరోనా కేసుల సంఖ్య, పాజిటివిటీ శాతం గణనీయంగా తగ్గిందని, కరోనా పూర్తి నియంత్రణలోకి వచ్చిందని, వైద్యశాఖ అధికారులు అందించిన నివేదికలను పరిశీలించి ఈ మేరకు లాక్ డౌన్ ను ఎత్తివేయాలని నిర్ణయం తీసుకున్నది.సీఎం కేసీఆర్‌ అధ్యక్షతన ప్రగతి భవన్‌లో శనివారం మధ్యాహ్నం ప్రారంభమైన కేబినెట్‌ భేటీ కొనసాగుతోంది. లాక్‌డౌన్‌, వర్షపాతం, వానాకాలం సాగు, వ్యవసాయ సంబంధిత అంశాలపై కేబినెట్‌ చర్చ చేపట్టింది. దాంతో పాటుగా గోదావరి వాటర్‌ లిఫ్ట్‌, హైడల్‌ పవర్‌ ఉత్పత్తితో పాటు పలు అంశాలపై కేబినెట్‌ చర్చిస్తోంది.

--హరి(మాగల్ఫ్ ప్రతినిధి,తెలంగాణ)