దోహా: ఆహార పదార్ధాల్లో నిషేధిత మత్తుపదార్ధాలను దాచి కస్టమ్స్ ను బోల్తాకొట్టించాలనుకున్న స్మగ్లర్ల ప్లాన్ బెడిసికొట్టింది. ఫుడ్ షిప్మెంట్లో దాచిన డ్రగ్స్ ను స్వాధీనం చేసుకున్నట్లు ఎక్స్ ప్రెస్ మెయిల్ కస్టమ్స్ లోని కార్గో & ప్రైవేట్ ఎయిర్ పోర్ట్స్ కస్టమ్స్ అధికారులు వెల్లడించారు. స్వాధీనం చేసుకున్న మత్తు పదార్ధం 522 గ్రాములు ఉందని వెల్లడించారు. మత్తుపదార్ధాలను ఏ రూపంలో దేశంలోకి స్మగ్లింగ్ చేయాలని చూసినా పట్టుకుంటామని అధికారులు మరోసారి హెచ్చరించారు. అధునాతన పరికరాలు, స్మగ్లర్ల బాడీ లాంగ్వేజ్ ను పసిగట్టగలిగే సుశిక్షితులైన సిబ్బంది తమ వద్ద ఉన్నారని అన్నారు.