సౌదీ: విదేశీ తండ్రి, సౌదీ తల్లికి జన్మించిన పిల్లలకు కూడా సామాజిక భద్రత కల్పించేలా కొత్త బెన్ఫిట్ స్కీంను ప్రకటించింది సౌదీ ప్రభుత్వం. దీంతో సామాజిక భద్రతకు అర్హత ప్రాతిపాదికగా ఉండే ఆర్టికల్ 6 మేరకు నాన్-సౌదీ చిల్డ్రన్స్ తమ తల్లులకు వచ్చే పెన్షన్ ద్వారా లబ్ధి పొందేందుకు అర్హులు కానున్నారు. అంటే వితంతువులు, విడాకులు పొందిన తల్లులకు వచ్చే పెన్షన్ తో విదేశీ తండ్రుల సంతానం కూడా ప్రయోజనం పొందేందుకు ప్రభుత్వం అమోదం తెలిపింది. అయితే..ఇందుకోసం వితంతు, విడాకులు పొందిన మహిళలు తాము విదేశీ వ్యక్తిని వివాహమాడినట్లు తగిన ఆధారాలు చూపించాల్సి ఉంటుంది. అలాగే పర్మినెంట్ అడ్రస్ జత పర్చాలి. వరుసగా మూడు నెలలు కింగ్డమ్ విడిచి ఉండకూడదు లేదా పెన్షన్ ప్రయోజనం పొందే సమయం నుంచి ఏడాది కాలంలో ముందు వరుసగా మూడు నెలలు విదేశాల్లో ఉండకూడదు. ట్రాన్స్ పోర్ట్ పాస్ ఉన్న అనాథలు, అంగవైకల్యం ఉన్న వారు కూడా తగిన ఆధారాలతో ప్రయోజనం పొందవచ్చు. ఇదిలాఉంటే ప్రభుత్వం ఆమోదించిన ఈ పెన్షన్ ప్రయోజనాల కోసం లబ్ధిదారులు దరఖాస్తు చేసుకున్న 20 రోజుల్లోగా సంబంధిత అధికారులు తమ నిర్ణయం తీసుకోవాల్సి ఉంటుంది. అంటే అప్లై చేసుకున్న నాటి నుంచి 20 రోజుల్లో దరఖాస్తును ఆమోదించటమో, తిరస్కరించటమో చేయాలి.