దుబాయ్: ఈద్ అల్ అదా సెలవుల నేపథ్యంలో బుర్జ్ ఖలీఫా, ఈద్ ముబారక్ సందేశాలతో వెలిగిపోనుంది. జులై 20 నుంచి 24 వరకు ఈద్ ముబారక్ యానిమేషన్స్ బుర్జ్ ఖలీఫపై ప్రదర్శితం కానున్నాయి. ప్రత్యేకంగా ఈద్ థీమ్ ద్వారా ఎల్ఈడీ షోస్ కూడా ఏర్పాటు చేశారు. సాయంత్రం 7.45 నిమిషాల నుంచి 10.45 నిమిషాల వరకు ప్రతి 30 నిమిషాలకూ ఈ ప్రదర్శన వుంటుంది. డౌన్ టౌన్ దుబాయ్ విజిటర్స్ కూడా దుబాయ్ ఫౌంటెయిన్ షోస్ తిలకించవచ్చు. ఈద్ సెలవుల నేపథ్యంలో సాయంత్రం 6 గంటల నుంచి 10 గంటల వరకు ప్రతి గంటకూ ఓసారి వీటిని వీక్షించవచ్చు.