షార్జా: షార్జాలోని కొన్ని వాహనాల రిజిస్ట్రేషన్ ఇకపై రెండేళ్ళ గడువుతో లభించబోతోంది. ఈ విషయాన్ని షార్జా పోలీస్ విభాగం వెల్లడించింది. డిపార్టుమెంట్ ఆఫ్ వెహికిల్ మరియు డ్రైవర్ లైసెన్సింగ్ - షార్జా పోలీస్ వెల్లడించిన వివరాల ప్రకారం, ఆయా వాహనాలు కొన్ని పరిమితులకు లోబడి ఈ రెండేళ్ళ గడువు రిజిస్ట్రేషన్ పొందవచ్చునని తెలుస్తోంది. వాహనం కొత్తదై వుండాలి. ఇన్స్యూరెన్స్ రెండేళ్ళకు చెల్లుబాటయ్యేలా వుండాలి. వాహనం, ప్రతి ఎమిరేట్‌లోని ట్రాఫిక్ అథారిటీ వద్ద రిజిస్టర్ అయి వుండాలి. సర్వీస్ సెంటర్ల ద్వారా సర్వీస్ పొందాలి.. వెబ్‌సైట్లు, స్మార్ట్ అప్లికేషన్లు (ట్రాఫిక్ డిపార్టుమెంట్ సంబంధిత) వర్తిస్తాయి. టెస్టింగ్ సెంటర్ వద్ద కారుని పరీక్షిస్తారు. క్వాలిటీ స్టాండర్డ్స్ వుంటే, రిజిస్ట్రేషన్ కార్డు (ముల్కియా) జారీ చేస్తారు.