ఖతార్: కోవిడ్ నిబంధ‌న‌లు పాటించ‌కుండా నిర్ల‌క్ష్యంగా వ్య‌వ‌హ‌రించిన  వారిని ఉపేక్షించేది లేద‌ని ఖ‌తార్ అధికారులు మ‌రోసారి హెచ్చ‌రించారు. కోవిడ్ నిబంధ‌న‌లు పాటించ‌కపోవ‌టం అంటే చ‌ట్ట‌విరుద్ధ చ‌ర్య‌ల‌కు ప‌ల్ప‌డుతున్న‌ట్లేన‌ని స్ప‌ష్టం చేసింది. కోవిడ్ రూల్స్ బ్రేక్ చేసిన వారిపై ఇప్ప‌టికే వేల సంఖ్య‌లో కేసులు న‌మోదు చేసిన ఖ‌తార్ అధికారులు...తాజాగా మ‌రో 141 మందిపై చ‌ర్య‌లు తీసుకుంది. ఇందులో 139 మంది ఫేస్ మాస్క్ ధ‌రించ‌లేద‌ని అధికారులు వెల్లడించారు. మరో ఇద్దరు ఎతెరాజ్ యాప్ ఇన్ స్టాల్ చేసుకోలేదని వెల్లడించారు. కోవిడ్ నిబంధనలు పాటించకుండా పట్టుబడిన వాళ్లందర్ని పబ్లిక్ ప్రాసిక్యూషన్ కు తరలించినట్లు వెల్లడించారు.