యూఏఈ: ప్రపంచవ్యాప్తంగా COVID-19 మహమ్మారి సమయంలో బాధిత దేశాలకు సాయం అందించటంలో తమ దేశం ముందువరుసలో ఉందని యూఏఈ అధికారులు వెల్లడించారు. ప్రపంచ దేశాలు చేపట్టిన మానవతా కార్యక్రమాలకు మద్దతు ఇచ్చిన మొదటి దేశాలలో యుఎఇ ఒకటి అని గుర్తు చేశారు. వైరస్ పరిస్థితిపై సమీక్ష సమావేశంలో ఈ విషయాన్ని వెల్లడించారు. దివంగత షేక్ జాయెద్ బిన్ సుల్తాన్ అల్ నహ్యాన్ యొక్క విధానాన్ని అనుసరించి, ప్రపంచవ్యాప్తంగా సహాయక చర్యలలో దేశం ముందంజలో ఉందన్నారు. మహమ్మారి సమయంలో పోరాడుతున్న దేశాలకు అంతర్జాతీయ ప్రతిస్పందనలో యుఎఇ 80% సహాయం చేసిందన్నారు.