కువైట్: మినిస్ట్రీ ఆఫ్ హెల్త్, వ్యాక్సినేషన్ సర్టిఫికెట్ల వెరిఫికేషన్ కేవలం ఎలక్ట్రానిక్ విధానంలో మాత్రమే జరుగుతుందని మరోమారు స్పష్టం చేసింది. వలసదారులు, తమ వ్యాక్సినేషన్ సర్టిఫికెట్, మినిస్ట్రీ వెబ్‌సైట్‌లో అప్‌లోడ్ చేయాల్సి వుంటుందనీ, దాన్ని ప్రత్యేకంగా ఓ కమిటీ పరిశీలించి,  వివరాలు సరిగ్గా వుంటే ఆమోద ముద్ర వేసి, గ్రీన్ స్టేటస్ అందిస్తుందని అధికారులు తెలిపారు. ఇది తప్ప ఆఫ్‌లైన్ విధానంలో వెరిఫికేషన్ ప్రక్రియ వుండబోదని మినిస్ట్రీ తేల్చి చెప్పింది. పెద్ద సంఖ్యలో వ్యాక్సిన్ సర్టిఫికెట్లు వస్తున్నందున, వాటిని పరిశీలించడంలో కొంత జాప్యం జరుగుతున్న మాట వాస్తవమేననీ, అధికారులు శక్తివంచన లేకుండా పనిచేస్తున్నారని మినిస్ట్రీ పేర్కొంది.