మస్కట్: రాత్రివేళల్లో విధించిన లాక్ డౌన్ ముగింపుపై సుప్రీం కమిటీ ఎలాంటి నిర్ణయం తీసుకోలేదని ఒమన్ ప్రకటించింది. కోవిడ్ వ్యాప్తి నియంత్రణకు రాత్రి 10 గంటల నుంచి తెల్లవారుజాము 4 గంటల వరకు జనసంచారం, వాహనాల రాకపోకలపై సుప్రీం కమిటీ నిషేధం విధించిన విషయం తెలిసిందే. అయితే..ఈద్ సమయంలో విధించిన కర్ఫ్యూని ఎత్తివేసినట్లే...రాత్రి లాక్ డౌన్ కూడా ఎత్తివేశారంటూ ప్రజల్లో జోరుగా ప్రచారం జరుగుతోంది. దీనిపై స్పందించిన ప్రభుత్వం..ఒమన్ వ్యాప్తంగా నైట్ లాక్ డౌన్ అమలులో ఉందని, లాక్ డౌన్ సమయాల్లో ఎలాంటి మార్పులు లేవని స్పష్టం చేసింది. పాక్షిక లాక్ డౌన్ ఎత్తివేసినట్లు జరుగుతున్న ప్రచారాన్ని ఎవరూ నమ్మోద్దని సూచించింది.