సౌదీ అరేబియా: మినిస్ట్రీ ఆఫ్ హజ్ అండ్ ఉమ్రా, 12 నుంచి 18 ఏళ్ళ మధ్య వయసున్న స్థానిక యాత్రీకులు పూర్తి వ్యాక్సినేషన్ పొందితే, వారికి ఉమ్రా కోసం అనుమతివ్వనున్నట్లు పేర్కొంది. 2021 ఉమ్రా సీజన్ ప్రారంభం సందర్భంగా ఈ ప్రకటన విడుదలైంది. ఆగస్ట్ 10 నుంచి ఈ సీజన్ ప్రారంభమవుతుంది. కాగా, పైన పేర్కొన్న వయసువారికి మొత్తంగా 13,000 అనుమతులు జారీ చేశారు. ఎతమర్న, తవకల్నా అప్లికేషన్ల ద్వారా అనుమతులు జారీ చేసినట్లు హజ్ మరియు ఉమ్రా డిప్యూటీ మినిస్టర్ డాక్టర్ అబ్దుల్ ఫత్తా బిన్ సులేమాన్ మషత్ చెప్పారు.