కువైట్: కార్మిక చట్టాల పరిధిలో కార్మికులు, యజమానులు మధ్య తలెత్తే వివాదాలను సామరస్యంగా పరిష్కరించేందుకు మానవ వనరుల మంత్రిత్వ శాఖ ఒక ప్రత్యేక విభాగాన్ని ఏర్పాటు చేసింది. పౌరులు కూడా ఈ ప్రత్యేక విభాగం ద్వారా తగిన న్యాయ సేవలను పొందవచ్చు. ఏదైనా పౌరుడు, యజమాని లేదా కార్మికుడు తమ విధులు, జీతబత్యాలు, బకాయిలకు సంబంధించి వివాదం ఉంటే నేషనల్ ఎంప్లాయ్మెంట్ దగ్గర నేరుగాగానీ, ఆన్ లైన్ ద్వారాగానీ ఫిర్యాదు చేయవచ్చు. అయితే..వివాదాన్ని సామరస్యంగా పరిష్కరించేందుకు ఫిర్యాదులను ముందుగా లీగల్ రీసెర్చర్ పరిశీలిస్తారు. ఇరు వర్గాలతో చర్చిస్తారు. ఒకవేళ సమస్య పరిష్కారం కాకపోతే ఆ ఫిర్యాదు న్యాయవ్యవస్థకు బదిలీ చేస్తారు.