ఒమన్: ఓ వైపు అంతర్జాతీయ ప్రయాణికులకు సడలింపులు ఇస్తూనే మరోవైపు కోవిడ్ వ్యాప్తి నియంత్రణ చర్యలను ఒమన్ ప్రభుత్వం కొనసాగిస్తోంది.దేశంలో సాధారణ పరిస్థితులు నెలకొల్పేందుకు ఇప్పటికే పలు ఆంక్షలను ఎత్తివేసిన ఒమన్..అంతర్జాతీయ ప్రయాణికుల విషయంలో మాత్రం ఆచితూచి వ్యహరిస్తోంది. వ్యాక్సిన్ తీసుకుంటేనే విదేశాల నుంచి వచ్చే ప్రయాణికులకు సుల్తానేట్లోకి అనుమతి ఉంటుందని వెల్లడించింది.ఈ నిర్ణయం మినహాయింపు లేకుండా అన్ని దేశాలకు వర్తిస్తుందని స్పష్టం చేసింది.