ఐసిస్‌ ఆగడాలు రోజురోజుకీ పెరిగిపోతున్నాయి. చిన్నాపెద్దా తేడా లేకుండా క్రూర జంతువుల్లా ప్రవరిస్తూ ప్రాణాలు తీసేస్తున్నారు. తాజాగా సిరియాకు చెందిన ఓ యువకుడు ఎక్కువగా మాట్లాడుతున్నాడని అతని నోరు కుట్టేసి వూరేగించారు. సిరియాలోని డెయిర్‌ ఎజ్జోర్‌ నగరంలో చోటు చేసుకుంది ఈ ఘటన. సిరియాకి చెందిన ఓ యువకుడు కుర్దిష్‌ ఉగ్రవాదులు ఈ నగరానికి వస్తున్నారని డెయిర్‌ ఎజ్జోర్‌లోని ఓ రెస్టారెంట్‌ యాజమాన్యానికి సమాచారం అందించాడు. ఇది తెలుసుకున్న ఐసిస్‌ జిహాదీలు అతన్ని అదుపులోకి తీసుకుని నోటిని కుట్టి.. ఆ తర్వాత బంధించి నగరంలో వూరేగించారు.ఐసిస్‌ ఇలాంటి ఘటనలకు పాల్పడటం ఇది మొదటిసారి కాదు. ఐఎస్‌ ఉగ్రవాదులను తరిమికొట్టేందుకు డెయిర్‌ ఎజ్జోర్‌ నగరానికి 70 కి.మీలు దూరంలో ఉన్న అబు కషబ్‌ గ్రామాల్లో కుర్దిష్‌, యాజిది బలగాలు ఇప్పటివరకు ఇలాంటి ఎన్నో ఘటనలకు తెగబడ్డాయి.