బహ్రెయిన్: ఆర్థిక వ్యవస్థను తిరిగా గాడిలో పెట్టేందుకోసం వ్యాట్‌ని రెండింతలు చేయాలని (10 శాతం) బహ్రెయిన్ యోచిస్తోంది.  తద్వారా 2024 నాటికి తిరిగి బడ్జెట్ లాభదాయకమైన పరిస్థితికి వచ్చేలా చేయాలన్నది బహ్రెయిన్ ప్రణాళిక. కరోనా పాండమిక్ పరిస్థితుల నుంచి ఇప్పుడిప్పుడే ఆర్థిక వ్యవస్థ కోలుకుంటున్నందున, అత్యంత వేగంగా పుంజుకునే దిశగా కీలక చర్యలు చేపట్టనున్నారు. ప్రపంచ వ్యాప్తంగా నెలకొన్న పరిస్థితుల నేపథ్యంలో పూర్తిగా ఆర్థిక వ్యవస్థ కుదురుకోవడానికి కొంత సమయం పడుతుందనీ, ఆయా రంగాలపై తీవ్ర ప్రభావం పడకుండా వ్యాట్ పెంపుతోపాటు, మరిన్ని ఆర్థిక సంస్కరణలు చేపట్టాలని బహ్రెయిన్ భావిస్తోంది. లిక్విడిటీ సపోర్ట్ ఫండ్ రెండింతలు.. అంటే 200 బహరెయినీ దినార్లకు చేరుకునేలా చర్యలు చేపడతారు. సెంట్రల్ బ్యాంక్ ఎనేబుల్డ్ లోన్ డిఫరల్స్ వంటి విభాగాల్లో సంస్కరణలు చేపడతారు.