మస్కట్: పోలీసులు, ఇద్దరు వ్యక్తుల్ని దొంగతనం చేస్తుండగా రెడ్ హ్యాండెడ్‌గా అరెస్ట్ చేయడం జరిగింది. మస్కట్ గవర్నరేటులో నిందితులు ఓ ఇంట్లో దొంగతనానికి పాల్పడేందుకు యత్నించగా పోలీసులు వారిని పట్టుకున్నారు. పలు ఇళ్ళపై నిందితులు దాడులు చేసి, దొంగతనాలకు పాల్పడుతున్న వైనాన్ని దృష్టిలో పెట్టుకుని, అత్యంత వ్యూహాత్మకంగా వారిని అరెస్ట్ చేశారు. నిందితులు పలు మోటారు వాహనాల్ని గతంలో దొంగతనం చేసినట్లుగా విచారణలో తేలింది.