ప్రముఖ హిందీ హాస్యనటుడు కపిల్‌ శర్మ మైనపు విగ్రహాన్ని లండన్‌లోని మేడమ్‌ టుస్సాడ్స్‌ సంగ్రహాలయం తయారు చేయనుంది. ఈ విషయాన్ని కపిల్‌ తన ట్విట్టర్‌ ఖాతా ద్వారా తెలిపారు. ఇందుకోసం సంస్థ ప్రతినిధులు తన కొలతలు తీసుకున్నారని ఆయన వెల్లడించారు. మరో నాలుగు నెలల్లో కపిల్‌ మైనపు విగ్రహం సిద్ధం కానుంది. మేడమ్‌ టుస్సాడ్స్‌లో ఇప్పటి వరకు దాదాపు 150 మంది ప్రముఖుల మైనపు విగ్రహాలను తయారు చేసి ప్రదర్శనకు ఉంచారు. ఇటీవల ప్రధాని నరేంద్ర మోదీ మైనపు విగ్రహం కోసం సంస్థ ప్రతినిధులు ఆయన కొలతలు తీసుకున్న విషయం తెలిసిందే.