తెలంగాణ రాష్ట్రం లో కరోనా మహమ్మారి తీవ్రత రోజు రోజు తగ్గుతూ వస్తోంది. ఏపీ తో పోలిస్తే… తెలంగాణ రాష్ట్రంలో కరోనా కేసుల తీవ్రత చాలా తక్కువే. ఇక తాజాగా తెలంగాణ వైద్య ఆరోగ్య శాఖ విడుదల చేసిన బులిటెన్ ప్రకారం 24 గంటల్లో 122 కరోనా కేసులు నమోదయ్యాయి. దీంతో ఇప్పటివరకు రాష్ట్రంలో 6,68, 955 కరోనా కేసులు నమోదు అయ్యాయి. 

ఇక గడిచిన 24 గంటల్లో కరోనాతో ఒకరు మరణించారు. దీంతో ఇప్పటి వరకు 3938 మంది కరోనా మహమ్మారి తో మరణించారు. ఇక తెలంగాణా రాష్ట్రంలో యాక్టివ్ కరోనా కేసులు 3, 924 గా ఉన్నాయి.ఇక ఇప్పటి వరకు తెలంగాణలో మొత్తం 6,61, 093 మంది కరోనా బారిన పడి కోలుకున్నారు.

గత 24 గంటల్లో 176 మంది కరోనా నుంచి కోలుకున్నారు. తెలంగాణలో రికవరీ రేటు 98.82 శాతంగా ఉంది. ఇండియా రికవరీ రేటు 98.70 శాతంగా ఉంది. తెలంగాణలో మరణాలు 0.58% గా ఉన్నాయి. రాష్ట్రంలో గత 24 గంటల్లో 26, 676 పరీక్షలు చేశారు. దీంతో రాష్ట్రంలో మొత్తం కరోనా పరీక్షలు సంఖ్య 2,70,22, 157 కు చేరుకుంది.