అందాల ముద్దుగుమ్మ అనుష్క శెట్టి(Anushka Shetty) కి టాలీవుడ్‌లో హీరోల‌కు ఉన్న ఫ్యాన్ ఫాలోయింగ్ ఉంది.చేసింది కొన్నే సినిమాలైన అశేష‌మైన ఫ్యాన్ ఫాలోయింగ్ సంపాదించింది. బాహుబలి సినిమాతో స్టార్ గా మారిన అనుష్క శెట్టి వరుస పాన్ ఇండియా చిత్రాలతో బిజీ అవుతుందని అటుపై హిందీ పరిశ్రమకు వెళుతుందని కూడా అభిమానులు భావించారు. కాని ఈ అమ్మ‌డు సినిమాలు చేయ‌డ‌మే మానేసింది.

అనుష్క సినిమాలు చేయ‌క‌పోవ‌డానికి కార‌ణం అధిక బరువు సమస్యల నుంచి బయటపడడం అని కొంద‌రంటే మ‌రి కొంద‌రు వయసు 35బార్డర్ క్రాస్ చేయడంతో ఇక ఇంట్లో వాళ్లు పెళ్లి చేసేయాలని భావిస్తున్నారని కథనాలొచ్చాయి.క‌ట్ చేస్తే అనుష్క గ‌త కొద్ది రోజులుగా బ‌రువు త‌గ్గేందుకు చాలా క‌స‌ర‌త్తులు చేస్తుందట‌. ఈ క్ర‌మంలో ఆమె బరువు తగ్గినట్లు సమాచారం. మునుపటి కంటే ఫిట్ గా కనిపిస్తోంది. త్వ‌రలోనే ఈ అమ్మ‌డు కొత్త సినిమాని అనౌన్స్ చేయ‌నుంద‌ని అంటున్నారు. కాగా, భాగమతి తర్వాత యువి క్రియేషన్స్(Uv creations) లో కమిట్ మెంట్ ని అనుష్క పూర్తి చేయాల్సి ఉంటుందని సమాచారం.