యూఏఈ : కారు డ్రైవర్ నిర్లక్ష్యం కారణంగా మూడు ఒంటెలు చనిపోయిన ఘటన ఎమిరేట్స్ రోడ్ లో జరిగింది. మరో మూడు ఒంటెలు తీవ్రంగా గాయపడ్డాయి. ఒంటెలు రోడ్డు దాటుతుండగా అరబ్ డ్రైవర్ ఒకరు కారుతో వేగంగా వాటిని ఢీకొట్టాడు. దీంతో స్పాట్ లోనే మూడు ఒంటెలు చనిపోయాయి. కారు డ్రైవర్ కు స్వల్పంగా గాయాలయ్యాయి. యాక్సిడెంట్ స్పాట్ కి పోలీసులు చేరుకునే లోపే అతను పరారయ్యాడు. డ్రైవింగ్ నిర్లక్ష్యం కారణంగానే ప్రమాదం జరిగినట్లు పోలీసులు గుర్తించారు. నిందితుడి కోసం గాలిస్తున్నారు. ప్రమాదాలు జరగకుండా వాహనాదారులు అన్ని సేప్టీ మెజర్స్ పాటించాలని ఈ సందర్భంగా పోలీసులు కోరారు. పొగమంచు దట్టంగా ఉందని...ఇలాంటి సందర్భాల్లో జాగ్రత్తగా వాహనాలు నడపాలని సూచించారు. డ్రైవింగ్ చేస్తుండగా మొబైల్ లో మాట్లాడటం చేయొద్దని, సీటు బెల్ట్ లేకుండా వాహనాలు నడపవద్దని విజ్ఞప్తి చేశారు.